اسلام آباد۔21اکتوبر(اے پی پی) وفاقی وزیرِ قومی صحت سید مصطفیٰ کمال آکھیے قومی ادارہ صحت وقتی طور تے ھک مؤثر ہیلتھ کمپلینٹ مینجمنٹ سیل قائم کرے، جئیں دے ذریعے ملک توں ملݨ آلی صحت متعلق شکایتاں کوں موثر انداز اچ ریکارڈ کیتا ونڄ سڳے۔ اے ڳالھ انہاں نیشنل انسٹیٹیوٹ آف ہیلتھ (این آئی ایچ) اسلام آباد دا دورہ کرݨ دے دوران آکھی۔ وزیر صحت دے رلے وفاقی سیکرٹری صحت حامد یعقوب شیخ وی موجود ہن۔ چیف ایگزیکٹو افسر این آئی ایچ وزیر صحت کوں ڈیٹا سینٹرز دے امور دے حوالے نال بریفنگ ݙتی۔مصطفیٰ کمال ہدایت کیتی جو قومی ادارہ صحت وقتی طور تے ھک مؤثر ہیلتھ کمپلینٹ مینجمنٹ سیل قائم کرے، جئیں دے ذریعے ملک توں ملݨ آلی صحت متعلق شکایتاں کوں مؤثر انداز اچ ریکارڈ کیتا ونڄ سڳے ۔ انہاں آکھیے ایں معلومات کوں صوبیں تے اضلاع تئیں پڄا تے وقتی عملی اقدامات کیتے ونڄن ۔ انہاں آکھیے صحت دا جا??ع اتے مستند ڈیٹا وزارت کوں صحت عامہ دی زیادہ مؤثر پالیسیاں بݨاوݨ اچ مددگار ثابت تھیسی۔مصطفیٰ کمال قومی ادارہ صحت کوں ہدایت کیتی جو او بیماری??ں دا مستند ڈیٹا حاصل کرݨ سانڳے مربوط اقدامات کرے۔
