لاہور-6 ستمبر (اے پی پی) گورنر پنجاب سردار سلیم حیدر خان لاہور وچ منعقدہ ساریں توں وݙے 1500ویں عید میلاد النبی ۖ دے جلوس وچ شرکت کیتی اتے بعد اچ حضرت علی ہجویری المعروف داتا گنج بخش دے دربار تے حاضری ݙتی۔ ایں موقع تے چھل متاثرین کیتے خصوصی دعاواں وی کیتیاں ڳئیاں۔ گورنر پنجاب آکھیا جو حضرت داتا گنج بخش دین اسلام دے ودھارے وچ بے مثال خدمات سرانجام ݙتیاں۔ عید میلاد النبی ۖ دے موقع تے قوم اتے امت مسلمہ کوں مبارخ ݙیندے گورنر پنجاب آکھیا جو اڄ اساں محسن انسانیت، رحمت للعالمین، خاتم النبیین حض??ت محمد مصطفی ۖ دی ولادت باسعادت دی خوشی منیندے پیوں ۔ انہاں آکھیا جو اے او دین اے جݙاں رب کا??نات اپݨے محبوب حض??ت محمد ۖ کوں سارے جہاناں کیتے رحمت بݨا تے بھیڄیا اتے ختم نبوت دی مہر لا ݙتی۔ آپ ۖ دے آوݨ نال دنیا توں جہالت اتے ظلمت دا خاتمہ تھیا۔ انہاں آکھیا ج?? نبی کریم ۖ دی سیرت طیبہ تے عمل دنیا اتے آخرت وچ کامیابی دا ذریعہ اے۔ نبی آخرالزماں ۖ محبت، امن، برداشت اتے احترامِ انسانیت دا درس ݙتا۔ آپ ۖ معاشرے دے مظلوم اتے دٻیے کچلے طبقیں کوں حقوق ݙتے۔ انہاں آکھیا جو اڄ ??ے ݙینھ اساکوں اے عہد کرݨا اے جو اساں اپݨیاں زندگیاں کوں نبی کریم ۖ دیاں تعلیمات موجب ڈھلیسوں۔
