اسلام آباد۔17اکتوبر(اے پی پی) وزیراعظم محمد شہباز شریف متحدہ عرب امارات دی انٹرنیشنل ہولڈنگ کمپنی اتے حکومت پاکستان وچال فرسٹ ویمن بینک دی نجکاری دے معاہدے کوں ݙوہیں ملکاں دے اقتصادی و تجارتی تعلقات دے ودھارے کیتے خوش آئند قرار ݙیندے آکھیے جو سانجھے من??وبے ݙوہیں ملکاں دے مفاد اچ ہن، جی ٹو جی فریم ورک دے تحت طے تھیوݨ آلا معاہدہ ہک چنڳے سفر د?? آغاز اے، مزید من??وبے وی پائپ لائن اچ ہن، جیڑھے سرکاری ملکیتی ادارے فعال طریقے نال کَم نی کریندے پئے، انہاں دی تنظیم نو کریسوں۔ انہاں اے ڳالھ جی ٹو جی فریم ورک دے تحت متحدہ عرب امارات دی انٹرنیشنل ہولڈنگ کمپنی اتے حکومت پاکستان وچال فرسٹ ویمن بینک دی نجکاری دے معاہدے تے دستخطاں دی تقریب نال خطاب کریندے آکھی۔ تقریب اچ نائب وزیراعظم و وزیر خارجہ اسحاق ڈار، فیلڈ مارشل سید عاصم منیر، چیئرمین ٹو پوائنٹ زیرو شیخ زید بن ہمدان بن زید النہیان، وفاقی وزراء، متحدہ عرب امارات دے وفد دے ارکان، ارکان پارلیمنٹ اتے اعلیٰ سرکاری حکام شرکت کیتی۔ وزیراعظم آکھیا جو شیخ زید بن ہمدان کوں آپݨے ݙوجھے گھر پاکستان اچ خوش آمدید آکھدو??، متحدہ عرب امارات دے صدر شیخ محمد بن زید دا اساݙے دل اچ ٻہوں احترام اے، انہاں دا دل پاکستان دے عوام دے نال دھڑکدے، شیخ زید بن سلطان النہیان و?? پاکستان دے سچے اتے مخلص دوست ہن، او پاکستان اتے پاکستان دے عوام نال ٻہوں محبت کریندے ہن۔ وزیراعظم آکھیا جو جی ٹو جی فریم ورک دے تحت فرسٹ ویمن بینک دی نجکاری دا معاہدہ پاکستان دی معاشی ترقی، سانجھے من??وبیں اتے تجارت دے ودھارے کیتے یو اے ای دے صدر دے تعاون دا مظہر اے۔ فرسٹ ویمن بینک دی نجکاری مینھ دا پہلا قطرہ اے، سانجھے من??وبے ݙوہیں ملکاں دے مفاد اچ ہن، جی ٹو جی فریم ورک دے تحت طے تھیوݨ آلا معاہدہ آپت دے اقتصادی تعلقات کوں تکڑا بݨاوݨ، مختلف شعبیں اچ سانجھے من??وبیں اتے سرمایہ کاری کیتے ہک لمبا اتے چنڳے سفر د?? آغاز اے جیں دے ݙوہیں ملکاں کوں ثمرات ملسن۔ وزیراعظم آکھیا جو جݙاں انہاں مارچ 2024ء اچ اقتدار سنبھالیا نجکاری تے ساریں توں پہلے غور کیتا ڳیا، ایں سلسلے اچ فیلڈ مارشل سید عاصم منیر د?? تعاون حاصل رہیے، سابق چیئرمین نجکاری کمیشن علیم خان دے بعد مشیر نجکاری محمد علی ایں حوالے نال ٻہوں کَم کریندے پئن۔ انہاں آکھیا جو فرسٹ ویمن بینک تریمتاں کاروباری شخصیات کیتے قائم کیتا ڳیا ہئی تاں جو او آئی ٹی، سانجھے من??وبیں اتے ݙوجھے شعبیں اچ کَم کرسڳن۔ انہاں آکھیا جو اے بینک حاصل کرݨ آلیں کیتے ٻہوں موقع ہن، او صنعت، زراعت اتے تجارت اچ آپݨے کاروبار کوں ودھارا ݙے سڳدن، اے بینک بصیرت افروز قیادت اتے پروفیشنل مینجمنٹ دے تحت ترقی کریسی۔ وزیراعظم آکھیا جو اے ݙو بھرا ملکاں وچال خوشی، خوشحالی اتے ترقی دے سفر د?? آغاز اے، مزید من??وبے وی پائپ لائن اچ ہن اتے انہاں تے غور تھیندا پئے اتے آوݨ آلے ویلھے اچ ایہو جہیاں کئی مزید تقریباں وی سالاں اچ نی ݙینھ ، مہینے اتے ہفتے اچ ݙیکھݨ کوں مِلسن۔ وزیراعظم آکھیا جو اساں آپݨے سرکاری ملکیتی اداریں دی مکمل تنظیم نو کرݨ چاہندوں جیڑھے فعال طریقے نال کَم نی کریندے پئے، پاکستان دے عوام نال اساݙا وعدہ اے جو اساں ایں حوالے نال تنظیم نو کریسوں اتے نجی شعبہ کاروبار کریسی، کاروبار کیتے سہولت ݙیسوں پر حکومت کاروبار نہ کریسی۔ وزیراعظم دے مشیر نجکاری محمد علی آکھیا جو جی ٹو جی فریم ورک دے تحت اے پہلی ٹرانز??کش?? اے جو بینکاری دے شعبے اچ عالمی برادری دے اعتماد دا مظہر اے، نجکاری دے ایں عمل کوں پورا کرݨ اچ ݙڈھ سال لڳئے، معاہدہ ایں ڳالھ دا مظہر اے جو حکومت نجکاری دے شعبے اچ سنجیدہ اتے ترقی کیتے پرعزم اے۔انہاں آکھیا جو نجکاری دے عمل اچ بھرپور تعاون تے وزیراعظم دے شکر گزار ہیسے۔ انٹرنیشنل ہولڈنگ کمپنی دے سی ای او و ڈائریکٹر سید بصر شعیب آکھیا جو بینکاری دے شعبے اچ اے پاکستان اچ پہلی ٹرانز??کش?? اے، اے حالی آغاز اے ایں دے بعد مزید ٹرانز??کش??ز وی تھیسن، اساݙا گروپ پاکستان اچ مختلف شعبیں اچ سرمایہ کاری کرݨ اچ دلچسپی رکھیندے ۔ انہاں آکھیا جو معدنیات دے شعبے اچ اساں پہلے ہی ایکسپلوریشن دا کَم شروع کر ݙتے، اڳوں مزید سرمایہ کاری وی کیتی ویسی، بینکاری دے شعبے اچ پاکستان اچ ارباں ڈالر دی سرمایہ کاری کریسوں۔ تقریب اچ متحدہ عرب امارات دی انٹرنیشنل ہولڈنگ کمپنی دے سی ای او و ڈائریکٹر سید بصر شعیب اتے نشیتا محسن انٹرنیشنل ہولڈنگ کمپنی اتے حکومت پاکستان وچال فرسٹ ویمن بینک دی نجکاری دے معاہدے تے دستخط کیتے۔
