لاہور۔10ستمبر (اے پی پی) پراونشنل ڈیسزاسٹر مینجمنٹ اتھا مظفرگڑھ، لودھراں، راجن پور، لیاقت پور اتے رحیم یارخان اچ شہریاں دے انخلا کوں یقینی بݨاوݨ دی ہدایات جاری کرݙتن۔ ترجمان موجب چھل پاروں انتظامیہ دریاواں دے پاٹ اچ موجود شہریاں دے انخلا کوں وختی پورا کرے ۔ شہریاں کوں محفوظ جاہیں تے منتقل کیتا ونڄے اتے ساریاں سہولتاں ݙتیاں ونڄن۔ ڈی جی پی ڈی ایم اے عرفان علی کاٹھیا آکھیے جو شہریاں دی جان دا تحفظ پہلی ترجیح اے۔ جیڑھے شہری دریاواں دے پاٹ توں کائنی نکلدے انہاں کوں پولیس دی مدد نال منتقل کیتا ونڄے۔ ڈی جی پی ڈی ایم اے آکھیے جو ریلیف کیمپس اچ موجود شہریاں کوں کھاݨا، پاݨی اتے طبی سہولتاں ݙیوݨ ہر صورت یقینی بݨایا ونڄے۔ انہاں شہریاں توں اپیل کیتی جو او انتظامیہ اتے ریسکیو اداریں نال تعاون کرن۔ فلڈ پلین اچ وسݨ آلے شہری وختی محفوظ جاہیں تے منتقل تھی ونڄن۔
.jpg)
