اسلام آباد۔17ستمبر (اے پی پی) وفاقی وزیر داخلہ محسن نقوی خضدار اچ بھارتی سپانسرڈ دہشت گرداں دے خلاف کامیاب آپریشن تے سیکورٹی فورسز کوں خراج تحسین پیش کیتے۔ آپݨے بیان اچ وزیر داخلہ محسن نقوی 5 بھارتی سپانسرڈ دہشت گرداں کوں جہنم واصل کرݨ تے سیکورٹی فورسز دی پیشہ ورانہ صلاحیتاں دی تعریف کیتی۔ انہاں آکھیا جو سیکورٹی فورسز ہک واری ول بھارتی سپانسرڈ دہشت گرداں دے مذموم عزائم کوں ناکام بݨائے۔ بھارتی سپانسرڈ دہشت گرداں کوں عبرتناک انجام تئیں پڄاوݨ تے سیکورٹی فورسز کوں خراج تحسین پیش کرینداں۔ انہاں آکھیا جو قوم سیکورٹی فورسز دے نال مونڈھے نال مونڈھا رَلا تے کھڑی اے۔ فتنہ الہندوستان دے دہشت گرداں دے مکمل خاتمے تئیں آپریشن جاری رہسی۔
